पूर्वेली प्रेस
काठमाडौं । इन्गेजमेन्टको खबर सार्वजनिक भए पश्चात मिडियामा हट टपिक बनेकी लोकप्रिय गायिका मेलिना राई र गायक रमेश राईको युगल गायनमा समावेश ‘मकै पिन्नु जाँतोमा’ बोलको म्युजिक भिडियो सार्वजनिक भएको छ।
गीतमा निशा नेम्वाङको शब्द रहेको छ भने बिष्णु पोल्वाङ्छा चाम्लिङ राईको संगीत रहेको छ। यस गीतलाई राजु कार्कीले संगीत संयोजन गरेका हुन्।
म्युजिक भिडियोमा बिना राउत, सुन्दर घलान र रमेश राईको अभिनय रहेको छ। सनम तामाङले छायाँकन गरेको यस भिडियोमा केशब राज भट्टको कोरियोग्राफी रहेको छ। अर्जुन खड्काको सम्पादन र निर्देशनमा भिडियो तयार पारिएय्को हो।
गायक राईको युट्युव च्यानल ‘रमेश राई’ मार्फत भिडियो सार्वजनिक भएको छ ।
