पूर्वेली प्रेस
रतुवामाई : डाँगीहाट फुटबल क्लब मोरङको रतुवामाईमा जारी अन्तरपालिका क्लब स्तरीय नकआउट फुटबल प्रतियोगिताको फाइनलमा प्रवेश गरेको छ ।
शनिबार दिउँसो भएको पहिलो सेमिफाइनल खेलमा लालीगुराँस स्पोटिङ क्लब विराटनगरलाई ४–० गोलले पराजित गर्दै डाँगीहाट फाइनलमा प्रवेश गरेको हो ।
प्रतियोगिताको दोस्रो सेमिफाइनल खेल भोली आयोजक रतुवामाई र लालिमा फुटबल क्लब गौरगञ्जबिच हुनेछ ।
प्रतियोगतामा मिल्स युवा क्लब विराटनगर, डागीँहाट फुटबल क्लब बेलबारी, अमरदह स्पोटिङ क्लब सुनवर्षी, राजघाट स्पोटिङ क्लब उर्लाबारी, लालीमा फुटबल क्लब गौरीगञ्ज र आयोजक रतुवामाई नगरपालिकाको सहभागीता रहेको थियो ।
प्रतियोगिताको विजेता नगद रु ५१ हजार र उपविजेता टिमले ३१ हजार रुपैँयासहित ट्रफी, मेडल र प्रमाणपत्र प्राप्त गर्नेछन् ।
