दक्षिण अफ्रिकाको बाढी र पहिरोमा ४ सय जनाको मृत्यु, दशौं हजार घरबारविहीन

डर्वान – दक्षिण अफ्रिकाको बाढी र पहिरोमा ४०० जनाको ज्यान गएको छ। ठूलो वर्षापछिको बाढी पहिरोमा देशको दक्षिण पूर्वी क्षेत्रमा केही हराइरहेका छन् भने र दशौं हजार घरबारविहीन भएका छन् । बाढीको पानीले दक्षिणपूर्वी तटीय सहर डरबानका केही भागहरू डुबानमा परेका छन् । बाढीले सडक भत्किएका छन् । अस्पतालमा क्षति पु-याएको छ भने घरहरू बगाएको छ ।

दक्षिणपूर्वी क्वाजुलु–नाताल (केजेएन) प्रान्तमा आपतकालीन सेवाहरू उच्च सतर्कतामा राखिएको छ । डरबान हिन्द महासागरको तटमा पर्छ। बाढीपछि उद्दार कार्य तीव्र पारिएको छ ।