पूर्वेली प्रेस
विराटनगर : कोशी प्रदेशसभाकी उपसभामुख सिर्जना दनुवारको पहलमा उदयपुरको एक विद्यालयमा घेराबारा निर्माण गरिएको छ ।
उपसभामुखको पहलमा उदयपुरगढी गाउँपालिका वडा नम्बर ५ मा रहेको श्री आधारभूत विद्यालय केउरेनीको कम्पान्डमा घेराबारा गरिएको हो ।
आर्थिक मामिला तथा योजना मन्त्रालय कोशी प्रदेशको ५ लाख रुपैयाँ सहयोगमा विद्यालयको घेराबारा निर्माण भएको विद्यालयका प्रधानाध्यापक जीवन श्रेष्ठले जानकारी दिए ।
कक्षा १-८ सम्म पढाइ हुने उक्त विद्यालयमा अहिले करिब एक सय २० जना विद्यार्थी अध्यनरत छन् ।
