पूर्वेली प्रेस
काठमाडौं : जीवन विकास लघुवित्त वित्तीय संस्था लिमिटेडले यो वर्ष लाभांश घटाएको छ । गत वर्ष ७३.६८ प्रतिशत लाभांश दिएको थियो ।
कम्पनीको गएको शनिबार सम्पन्न सञ्चालक समितिको बैठकले आर्थिक वर्ष २०७८÷७९ को वित्तीय विवरणानुसार वितरणयोग्य मुनाफाबाट २८ प्रतिशत बोनस सेयर र कर प्रयोजनसहित ९.३६८४ प्रतिशत नगद लाभांश वितरण गर्ने प्रस्ताव गरेको हो । हाल कम्पनीको चुक्ता पुँजी एक अर्ब तीन करोड रुपैयाँ छ ।
प्रस्तावित लाभांश नेपाल राष्ट्र बैंकबाट स्वीकृति भई आउँदो साधारणसभाबाट पारित भएपछि सेयरधनीले लाभांश प्राप्त गर्नेछन् ।
