संघ र प्रदेशको निर्वाचन मंसिर ४ गते गर्ने सरकारकाे घाेषणा

काठमाडौ । विराटनगर । सरकारले प्रदेश र संघको निर्वाचन आउदो मंसिर ४ गते गर्ने घोषणा गरेको छ।
बिहीबार बसेको मन्त्रिपरिषद् बैठकले आगामी मंसिर ४ गते एकै चरणमा सम्पन्न गर्ने गरी निर्वाचनको मिति घोषणा गरेको सञ्चारमन्त्री ज्ञानेन्द्रबहादुर कार्कीले जानकारी दिए ।
बुधबार सत्तारूढ पाँच दलीय गठबन्धनले आगामी मंसिर ४ मै संसदीय निर्वाचन गर्ने सहमति गरेको थियो। यसअघि निर्वाचन आयोगले आगामी मंसिर २ गते प्रदेशसभा र प्रतिनिधिसभा निर्वाचन एकै चरणमा गर्न सकिने सुझाव सरकारलाई दिएको थियो।
निर्वाचनको मिति घोषणासँगै कांग्रेस सभापति शेरबहादुर देउवा नेतृत्वको गठबन्धन सरकार कामचलाउमा परिणत भएको छ। यद्यपी संसदको कार्यकाल मनोनयन दर्ताको अघिल्लो दिनसम्म कायम रहने सरकारले जनाएको छ ।