Purbeli Press
विराटनगर : निर्माणाधीन कल्भर्टमा साइकलबाट लडेर विराटनगरमा एक जनाको मृत्यु भएको छ ।
विराटनगर महानगरपालिका १८ पेट्रोल पम्पनजिकको भित्री सडकखण्डमा बुधबार राति साइकलबाट लडेर ४६ वर्षीय दीपचन शर्माको मृत्यु भएको हो ।
मोरङ प्रहरीका प्रवक्ता डीएसपी राजन कार्कीका अनुसार पश्चिमबाट पूर्वतर्फ जाँदै गर्दा कल्भर्टमा लडेर जहदा गाउँपालिका १ का ४६ वर्षीय शर्माको मृत्यु भएको हो ।
साइकलबाट लडेर घाइते भएका उनको उपचारका लागि कोसी अस्पताल ल्याउने क्रममा बाटैमा मृत्यु भएको कार्कीले बताए ।
