Purbeli Press
विराटनगर : उदयपुरमा खोलाले बगाउँदा एक जनाको मृत्यु भएको छ । त्रियुगा नगरपालिका ७ कुबिण्डेका ५० वर्षीय बौवा चापागाईलाई त्रियुगा खोलाले बगाएर मृत्यु भएको हो ।
सोमवार बेलुका मुर्कुची बजारबाट घर फर्कदै गर्दा चापागाईलाई बाटोमा रहेको त्रियुगा खोला तर्ने क्रममा खोलाले बगाएको थियो ।
चापागाईको शव प्रहरी चौकी सुकौराबाट खटिएको प्रहरीले बगाएको स्थान भन्दा करिव १ किलोमिटर तल मृत अवस्थामा फेला पारेको बताएको छ ।
घटना सम्बन्धमा थप अनुसन्धान भईरहेको जिल्ला प्रहरी कार्यालय उदयपुरले जनाएको छ ।
