पूर्वेली प्रेस
विराटनगर : नयाँ वर्ष सुरु भएसँगै पूर्वी तराईको झापा, मोरङ सुनसरीलगायतका जिल्लामा आदिवासी समुदायको सिरुवा पर्व सुरु भएको छ ।
राजवंशी, थारु, ताजपुरीया, धिमाल, मेचे, गनगाई र माझीलगायतका आदिवासी समुदायले यो पर्व मनाउन सुरु गरेका हुन् ।
कोशी प्रदेश सरकारले सिरुवा पर्वको अवसरमा आइतबार प्रदेशका चार जिल्लामा सार्वजनिक बिदा पनि दिएको छ । प्रदेश सरकारले झापा, मोरङ सुनसरी र उदयपुरमा सिरुवा पर्वको विदा दिएको हो ।
सिरुवा पर्वमा आदिवासी समुदायको बाहुल्यता रहेको क्षेत्रमा विभिन्न प्रकारका महोत्सव तथा मेला लाग्ने गरेको छ ।
