पूर्वेली प्रेस
विराटनगर : रतुवामाई नगरपालिका स्तरीय राष्ट्रपति रनिङ शिल्ड प्रतियोगिताको उपाधि महेन्द्र माध्यमिक विद्यालयले जितेको छ । महेन्द्रले ६ स्वर्ण, २ रजत र ७ कास्य पदक जित्दै उपाधि हात पारेको हो ।
यस्तै जनता माध्यमिक विद्यालय रतुवामाई ९ दोस्रो भएको छ । जनताले ५ स्वर्ण, ५ रजत र १ कास्य पदक जितेको छ ।
४ स्वर्ण, ११ रजत र ५ कास्य पदक जित्दै सुनवर्षी मावि रतुवामाई ५ तेस्रो भएको छ ।
त्यसैगरी सरस्वती मावि इटहराले ४ स्वर्ण, २ रजत र २ कास्य हात पारयो भने सौंठा माविले ३ स्वर्ण, ३ रजत र ३ कास्य पायो। राष्ट्रनिर्माण सेकेण्डरी स्कुलले २ स्वर्ण, ३ रजत र १ कास्य जित्यो भने मुनाल आदर्श विद्या सदनले २ स्वर्ण र ३ कास्य प्राप्त गरयो।
सरस्वती मावि कादुपाडाले २ स्वर्ण र १ रजत हात परयो। दाम्रभिट्टा इन्ग्लिश स्कुलले १ स्वर्ण र ३ रजत जित्यो। सिद्दकालीले १ स्वर्ण मात्र जित्यो भने सरस्वति मावि कल्याणपुरले ३ कास्यो प्राप्त गरयो। श्री मावि लेटी र राइजिङ नेपाल सेकेण्डरी स्कुलले एक -एक कास्य हात पारे।
रतुवामाई ८ स्थित सरस्वती माध्यमिक विद्यालयमा फागुन ५ गतेबाट सुरु भएको प्रतियोगिता मंगलबार सम्पन्न भएको हो । समापन समारोहमा विजेता विद्यार्थीलाई ट्रफी, मेडल र प्रमाणपत्र वितरण गरिएको थियो ।
