पूर्वेली प्रेस
विराटनगर : बलात्कारको आरोपमा दोषी ठहर भएका पूर्व कप्तानसमेत रहेका चर्चित लेग स्पीनर सन्दीप लामिछाने नेपाली राष्ट्रिय टिमबाट स्वतः अलग भएका छन् ।
जिल्ला अदालत काठमाडौँले लामिछानेलाई दोषी ठहर गरेपछि उनी राष्ट्रिय टिमबाट बाहिरिएका हुन् ।
शुक्रबार अदालतले सन्दीपलाई बलात्कार आरोपमा दोषी ठहर गरेको थियो ।
सन्दीप दोषी ठहर भएपनि उनको सजाय निर्धारण भने भइसकेको छैन् । उनलाई पुस २५ गते अदालतले सजाय तोक्ने छ ।
लामो समयदेखि बलात्कारको आरोप झेल्दै आएका सन्दीप यसअघि पनि केही समय राष्ट्रिय टिमबाट बाहिर थिए ।
यस विषयमा नेपाल क्रिकेट संघ (क्यान) ले भने आधिकारिक निर्णय गरिसकेको छैन् । तर, क्यान स्रोतले भने उनले सफाइ नपाएसम्म टिम बाहिर राख्ने मनस्थितिमा रहेको छ ।
