पूर्वेली प्रेस
विराटनगर : राष्ट्रिय जनगणना २०७८ का अनुसार कोशी प्रदेशको राजधानी र प्रदेशको एकमात्र महानगर विराटनगर महानगरपालिकामा १० वर्षको अवधिमा १.२३ प्रतिशतले जनसंख्या वृद्धि भएको छ ।
हाल विराटनगरको जनसंख्या २ लाख ४३ हजार ९२७ रहेको छ । २०६८ को तथ्याङ्क अनुसार विराटनगरको जनसंख्या २ लाख १४ हजार ६६३ रहेको थियो । जुन हालको जनसंख्याभन्दा २९ हजार २६४ कम हो ।
विराटनगरमा पुरुषको संख्या १ लाख २१ हजार ९५४ र महिलाको संख्या १ लाख २१ हजार ९७३ रहेको छ ।
५३ हजार ९१९ परिवार रहेको विराटनगर महानगरपालिकामा ८३.६१ प्रतिशत साक्षरता रहेका छन् ।
