पूर्वेली प्रेस
विराटनगर : नेपाल-भारत सीमा क्षेत्रमा गोली चल्दा विराटनगरका एकजना युवा घाइते भएका छन्।
सोमबार बिहान भारतको जोगबनीमा रहेको रेल्वे स्टेशन नजिक गोली चल्दा विराटनगर महानगरपालिका वडा नम्बर ८ का २८ वर्षीय निर्दोश संग्रौला घाइते भएका हुन् ।
जिल्ला प्रहरी कार्यालय मोरङका अनुसार अज्ञात समूहको गोली प्रहारबाट उनको दाहिने खुट्टा र तीघ्रमा चोट लागेको छ। सग्रौलाको अहिले कोशी अस्पताल विराटनगरमा उपचार भइरहेको छ।
गोली प्रहार गर्ने व्यक्तिको पहिचान खुलेको छैन। घटनाबारे अनुसन्धान भइरहेको प्रहरीले जनाएको छ।
