पूर्वेली प्रेस
विराटनगर : ताप्लेजुङमा गत हप्ता आएको अविरल वर्षाका कारण बाढीपहिरोमा परेका तीन जना बेपत्ता भएपछि कुशको शव बनाएर दाहसंस्कार गरिएको छ ।
सिदिङ्वा गाउँपालिकास्थित मेहेलेका तीन जनाको शव नभेटिएपछि उनीहरुका आफन्तले कुशको शव बनाइ दाहसंस्कार गरेका हुन् ।
पहिराले घर बगाउँदा मेहेलेको भालुखोपका ६३ वर्षीया भगीमाया बुढाक्षेत्री, बुहारी ३० वर्षीया सन्ध्या र नाती ९ वर्षीय प्रज्वल बुढाक्षेत्री बेपत्ता छन् । उनीहरू सबै एकै परिवारका हुन् ।
पहिरोमा परी मेहेलेकै तीन जनाको निधन भएको छ ।
पहिरोमा पुरिएर बेपत्ता भएकाहरूको खोजी गर्न ठूलो संख्यामा प्रहरी परिचालन भएपनि उनीहरुको शव भेटिएको थिएन् ।
