पूर्वेली प्रेस
विराटनगर : मोरङको रंगेली नगरपालिका वडा ८ को नेपालभारत सीमावर्ती क्षेत्रबाट प्रहरीले ठूलो परिणामको सूर्ति बरामद गरेको छ ।
बुधबार बिहान इलाका प्रहरी कार्यालय रंगेलीबाट खटिएको प्रहरी टोलीले ६ सय ९० किलोग्राम तस्करीको सूर्ति बरामद गरेको हो ।
प्रहरीले सूर्तिसहित ३३ वर्षीय उसमान शेख मियाँलाई पक्राउ गरेको छ । प्रदेश प्रहरी कार्यालय विराटनगरका प्रवत्ता नवीनराज राईका अनुसार बोरामा प्याक गरेर ल्याइएको अवस्थामा अवैध सूर्ति बरामद भएको हो।
घटना सम्बन्धमा थप अनुसन्धान सुरु गरेको प्रहरीले जनाएको छ ।
