उदयपुरमा बोलेरो दुर्घटना हुँदा एक जनाको मृत्यु

विराटनगर : उदयपुरमा बोलेरो दुर्घटना हुँदा एक जनाको मृत्य भएको छ । उदयपुरको त्रियुगा नगरपालिका वडा नम्बर १३ भातिखर्कमा बोलेरो दुर्घटना हुँदा एक जनाको मृत्यु भएको हो।

बेल्टारबाट गाईघाटतर्फ जाँदै गरेको बा. ९ च. ३८४६ नं. को बोलेरो सोमबार साँझ ६ः१५ बजे दुर्घटना हुँदा त्रियुगा १३ का ५२ वर्षीय कुमार बस्नेतको मृत्यु भएको हो ।

मदन भण्डारी राजमार्ग अन्तर्गत भातिखर्क क्षेत्रमा बोलेरो अनियन्त्रित भई दुर्घटना हुँदा बस्नेतको कानमा गहिरो चोट लागेपछि उपचारका लागि जिल्ला अस्पताल उदयपुर ल्याइएको थियो । दुर्घटनामा गम्भिर घाईते भएका बस्नेतको उपचारका क्रममा बेलुका करिव ७ बजे मृत्यु भएको थियो ।