पूर्वेली प्रेस
विराटनगर : कोशी प्रदेशका मुख्यमन्त्री केदार कार्कीले शपथ ग्रहण गरे लगत्तै दुई जना मन्त्री नियुक्त गरेका छन् ।
कार्कीले नेकपा एमालेबाट राम बहादुर राना मगर र कांग्रेसबाट शमशेर राईलाई मन्त्री नियुक्त गरेका हुन् । राना र राई दुवै जना इलामका हुन् ।
उनीहरूको जिम्मेवारी भने तोकिएको छैन ।
पार्टी केन्द्रको निर्णयविरुद्ध विद्रोह गर्दै कांग्रेसका आठ र एमालेका ३९ प्रदेशसभा सदस्यको समर्थनमा शनिवार मुख्यमन्त्री नियुक्त भएका कार्कीले तीन सदस्यीय मन्त्रिमण्डल विस्तार गरेका हुन् ।
यसअघि एमालेबाट झापाका एकराज कार्की र भोजपुरकी सिर्जना राईलाई पनि मन्त्री बनाउने तयारी गरेको चर्चा चलेको थियो । तर, एमालेबाट मन्त्री थप गर्दा कांग्रेसको विद्रोही पक्षबाट पनि थप गर्नुपर्ने भएकाले अहिलेलाई मन्त्री नथपिएको बताइएको छ ।
