पूर्वेली प्रेस
विराटनगर : नेकपा माओवादी केन्द्रका पोलिट्ब्युरो सदस्य तथा पूर्वमन्त्री इन्द्रबहादुर आङ्बोले पुस १० मा भएको सहमति कार्यान्वयन गर्नका लागि केपी ओलीलाई राष्ट्रपति बनाउनुपर्ने बताएका छन् ।
सामाजिक सञ्जाल फेसबुकमा एक स्टाटस लेख्दै उनले स्थायित्व कायम गर्न केपी ओलीलाई राष्ट्रपति बनाउनुपर्छ बताए ।
उनले लेखेका छन्, ‘ठिक छ, पुस १० को सहमतिलाई नै कार्यवन्यन गरौं । त्यसका लागि देशको गरिमामय अभिभावक राष्ट्रपति कमरेड केपी ओलीलाई बनाऔं ।’
यस्तै आङ्बोले स्थायित्व, सुशासन र समृद्धिका लागि पाँचै वर्ष प्रचण्ड नेतृत्वको सरकारलाइ निरन्तरता दिनुपर्ने बताए ।
उनले बामपन्थी सहकार्यलाई दीर्घकालीन बनाउन आग्रहसमेत गरेका छन् । उनी माओवादी केन्द्र प्रदेश १ का संसदीय दलका नेतासमेत हुन् ।
