पूर्वेली प्रेस
विराटनगर । किरात समुदायको महत्वपूर्ण चाड उभौली सोमबार बिराटनगरमा सांस्कृतिक कार्यक्रमसहित उल्लासपूर्वक मनाइएको छ। प्रकृति पूजाका रूपमा मनाइने यस पर्वमा राई, लिम्बू, याक्खा, सुनुवारलगायत किरात समुदायले देवी–देवताका साथै प्रकृतिप्रति आस्था प्रकट गर्दै पूजा–पाठ गरेका थिए।
बिराटनगरमा आयोजित कार्यक्रमहरूमा परम्परागत भेषभूषामा सजिएका युवायुवती तथा अगुवाहरूले साकेला सिली नाच प्रस्तुत गरेका थिए। साकेला नाच किरात समुदायको सामूहिक नृत्य हो, जसले सहकार्य, एकता र कृतज्ञताको सन्देश दिन्छ।
वैशाख शुक्ल पूर्णिमादेखि सुरु हुने उभौली पर्व वसन्त ऋतुको सुरुआत र कृषि चक्रको आरम्भसँग जोडिएको छ। किरात समुदायले यस पर्वलाई राम्रो बाली, समृद्ध जीवन र प्राकृतिक सन्तुलनका लागि प्रार्थना गर्ने अवसरका रूपमा मनाउँदै आएका छन्।
