पूर्वेली प्रेस
काठमाडौं । प्रधानमन्त्री केपी शर्मा ओली र नेपाली कांग्रेसका सभापति शेरबहादुर देउवाबीच बालुवाटारमा भेटवार्ता भएको छ।
भेटमा सत्ता सहकार्यलाई थप प्रभावकारी बनाउने र आपसी समझदारीलाई मजबुत पार्ने विषयमा कुराकानी भएको उपप्रधानमन्त्री एवं अर्थमन्त्री विष्णुप्रसाद पौडेलले जानकारी दिए।
पछिल्लो समय सरकार परिवर्तनसम्बन्धी विभिन्न हल्लाहरू चले पनि नेताहरूले यस्ता खबरलाई पूर्णतः निराधार र तथ्यहीन भन्दै अस्वीकार गरेका छन्।
प्रधानमन्त्री निवासमा आयोजित भेटमा उपप्रधानमन्त्री पौडेल र गृहमन्त्री रमेश लेखक पनि सहभागी थिए। स्रोतका अनुसार भेट सकारात्मक वातावरणमा सम्पन्न भएको थियो।
