पूर्वेली प्रेस
काठमाडौं : प्रधानमन्त्री पुष्पकमल दाहाल प्रचण्ड पदमुक्त भएका छन् । प्रतिनिधि सभाले विश्वासको मत लिने प्रस्ताव बहुमतले अस्वीकृत गरेसँगै प्रधानमन्त्री प्रचण्ड पदमुक्त भएका हुन् ।
शुक्रबार संविधानको धारा १०० को उपधारा २ बमोजिम विश्वासको मत मागेका प्रचण्डको पक्षमा ६३ र विपक्षमा १९४ मत पर्यो। तटस्थ १ मत रहेको छ।
२७५ सदस्यीय प्रतिनिधिसभामा बहुमतका लागि १३८ मत चाहिन्छ। प्रचण्डले १३८ मत प्राप्त गर्न नसकेपछि उनको सरकार ढलेको छ। अब उनी काम चलाउ प्रधामन्त्री भएका छन्।
एमालेले समर्थन फिर्ता लिएपछि प्रधानमन्त्री प्रचण्डले संविधानको धारा १०० (२) अनुसार विश्वासको मत मागेका थिए ।
