पूर्वेली प्रेस
विराटनगर : इलाम क्षेत्र नम्बर २ को जारी मत गणनामा नेकपा एमालेका उम्मेदवार सुहाङ नेम्वाङले अग्रता कायम राखेका छन् । सुहाङले निकटतम प्रतिद्वन्द्वीभन्दा ४ हजार ६८३ मत बढी ल्याएका छन् ।
पछिल्लो मत परिणामअनुसार सुहाङले १३ हजार ६९ मत ल्याउँदा अन्य प्रतिस्पर्धिले १० हजार मत कटाउन सकेका छैनन् ।
दोस्रो नम्बरमा रहेका कांग्रेसका डम्बर खड्काले ८ हजार ३८६ मत ल्याएका छन । उनलाई ८ हजार ९८ मतका साथ स्वतन्त्र उम्मेदवार डकेन्द्रसिंह थेगिमले पछ्याइरहेका छन् ।
राष्ट्रिय स्वतन्त्र पार्टी भने इलाममा चौथो स्थानमा छ। रास्वपाका उम्मेदवार मिलन लिम्बूले १७१३ मत मात्रै ल्याएका छन् ।
