पूर्वेली प्रेस
विराटनगर : मोरङको रंगेली नगरपालिकाले रंगेलीे मकै खेती र बाख्रा पालनका लागि पकेट क्षेत्र कार्यक्रम सञ्चालन गर्ने भएको छ ।
नगरपालिकाले शुक्रबार सूचना जारी गर्दै उक्त कार्यक्रम सञ्चालन गर्नका लागि किसानहरुसँग आवेदन माग गरेको छ ।
प्रधानमन्त्री कृषि आधुनिकीकरण परियोजना २०७९/८० बाट मकै पकेट विकास कार्यक्रम र बाख्रा पकेट कार्यक्रम सञ्चालन गर्न किसानसँग आवेदन माग गरेको नगरपालिकाले जनाएको छ ।
नगरपालिकाका अनुसार वडा नम्बर ४, ५ र ६ मा मकै पकेट विकास कार्यक्रम तथा वडा नम्बर १, २, ३, ८ र ९ मा बाख्रा पकेट कार्यक्रम सञ्चालन हुनेछ ।
इच्छुक कृषक समूह तथा फार्मले १५ दिनभित्रमा आवश्यक कागजातसहित आवेदन दिन सकिने नगरपालिकाले जनाएको छ ।
