पूर्वेली प्रेस
रतुवामाई : मोरङको रतुवामाई नगरपालिका वडा नम्बर – ६ मा रहेको सौँठा बचत तथा ऋण सहकारी संस्थाको अध्यक्षमा भरतमणी कार्की निर्विरोध निर्वाचित भएका छन् ।
निर्वाचन समितिका संयोजक भीमप्रसाद लुइटेलका अनुसार अध्यक्ष पदमा कार्कीको एकल उम्मेदवारी परेपछि उनलाई निर्वाचित भएको घोषणा गरिएको हो ।
कार्कीसँगै उपाध्यक्षमा खगेन्द्र भट्टराई पनि निर्विरोध निर्वाचित भएका छन् ।
लेखा सुपरिवेक्षक समितिमा भने सबै पदमा सर्वसम्मत भएको छ । जसको संयोजकमा पूर्णबहादुर पौडेल र सदस्यहरुमा चुडामणी थापा, बुद्धिबहादुर अधिकारी निर्विरोध निर्वाचित भएका छन् ।
सञ्चालक समितिका अन्य पदमा भने आज निर्वाचन हुँदे छ । सहकारीको १६ औँ वार्षिक साधरण सभाले नयाँ सञ्चालक समिति र लेखा समिति चयन गर्नेछ ।
