पूर्वेली प्रेस
विराटनगर । आन्दोलनरत शिक्षक र सरकार बिच भएको छलफल विनानिष्कर्ष टुंगिएको छ।
गृह मन्त्रालयमा आज विहान भएको छलफल सकारात्मक भएपनि कुनै निर्णय हुन नसकेको हो ।
गृह मन्त्रालयमा बिहान ८ देखि ९ बजेसम्म भएको वार्तामा नेपाल शिक्षक महासंघका अध्यक्ष कमला तुलाधरसहित विभिन्न दलका शिक्षक संगठनका पदाधिकारी उपस्थित थिए।
सरकारका तर्फबाट गृहमन्त्री नारायणकाजी श्रेष्ठ, शिक्षामन्त्री अशोक राई, शिक्षासचिव सुरेश अधिकारी, काठमाडौंका प्रमुख जिल्ला अधिकारी जितेन्द्र बस्नेत सहभागी थिए।
छलफलमा गृहमन्त्री श्रेष्ठले शिक्षकका समस्या सबैको साझा समस्या भएकाले समाधानका लागि सरकार प्रतिबद्ध भएको बताए। मन्त्री श्रेष्ठले शिक्षकहरूको जायज माग सम्बोधन गर्ने र त्यसका लागि अन्य मन्त्रालयसँग छलफल गर्ने प्रतिबद्धता व्यक्त गरेको गृहमन्त्रिका प्रेस सल्लाहकार कमल गिरीले जानकारी दिए।
काठमाडौंका प्रमुख जिल्ला अधिकारी जितेन्द्र बस्नेतले छलफलमा आफूले काठमाडौंको शान्ति सुरक्षाबारे कुरा गरेको बताए।
‘आन्दोलनलाई शान्तिपूर्ण बनाउन, निषेधित क्षेत्र नतोड्न, सवारी आवागमन अवरोध नगर्न लगायतका विषयमा छलफल भयो,ु उनले भने। एजेन्डाहरूको विषयमा थप छलफल गर्नेगरी आजको बैठक टुंगिएको प्रजिअ बस्नेतले जानकारी दिए।
