पूर्वेली प्रेस
कांग्रेस कोशी प्रदेशका संंसदीय दलका नेता उद्धव थापा
विराटनगर : कोशी प्रदेशको नयाँ मुख्यमन्त्रीमा नेपाली कांग्रेस संसदीय दलका नेता उद्धव थापा नियूक्त भएका छन् ।
संविधानको धारा १६८ को उपधारा (२) अनुसार प्रदेश प्रमुख परशुराम खापुङले थापालाई मुख्यमन्त्री नियुक्त गरेका हुन् ।
सत्ता गठबन्धनमा रहेका दलहरु नेकपा माओवादी केन्द्र, नेकपा एकीकृत समाजवादी पार्टी र जनता समाजवादी पार्टीको समर्थनमा उनी मुख्यमन्त्री भएका हुन् । उनले सभामुख बाबुराम गौतमसहित ४७ जना सांसदको समर्थनमा मुख्यमन्त्रीको दाबी पेश गरेका थिए ।
९३ सदस्यीय कोशी प्रदेशसभामा सरकार गठनका लागि ४७ सांसद आवश्यक पर्छ ।
