पूर्वेली प्रेस
विराटनगर : मोरङको रंगेली नगरपालिकाले आर्थिक वर्ष २०८०/८१ काे बजेट सार्वजनिक गरेको छ ।
आइतबार नगरपालिकाकि उपमेयर भूमा पराजुलीले आर्थिक वर्षका लागि ७३ करोड २९ लाख ४३ हजार रुपैयाँको बजेट सार्वजनिक गरेकी हुन् । यो बजेट अघिल्लो वर्षको तुलनामा १२ करोड कम हो ।
चालु आर्थिक वर्षका लागि नगरपालिकाले ८५ करोड बजेट विनियोजन गरेको थियो।
उपप्रमुख पराजुलीले चालुतर्फ ४९ करोड ९६ लाख २६ हजार रुपैयाँ र पूँजीगततर्फ २३ करोड ३२ लाख १६ हजार रुपैयाँ विनियोजन गरिएको जानकारी दिइन्।
