पूर्वेली प्रेस
विराटनगर : नेकपा एमाले कोशी प्रदेशका सांसदहरुले पार्टी अध्यक्ष केपी शर्मा ओलीसँग भेटवार्ता गरेका छन् । राष्ट्रपति निर्वाचनका लागि काठमाडौँ पुगेका प्रदेश सांसदहरुले शुक्रबार ओली निवास बालकोट पुगेर पार्टी अध्यक्षसँग भेट गरेका हुन् ।
भेटघाटका क्रममा ओलीले प्रदेशको नामकरण गर्न सफल भएकोमा ओलीले बधाई दिएका थिए ।
भेटमा संघीयताको मर्मअनुसार प्रदेशलाई बलियो बनाउँने विषयमा छलफल भएको प्रदेश सांसद तथा नेकपा एमाले कोशी प्रदेश सचिव चिन्तन पाठकले जानकारी दिए ।
‘अघिल्लो कार्यकालमा नामकरण गर्न नसकेर आलोचना सहनुपरेको भन्दै अध्यक्षले प्रदेशको नामकरण गरेकोमा बधाई दिनुभयो,’ पाठकले भने, ‘प्रदेश सरकारलाई बलियो बनाउने कुरामा पनि छलफल भएको छ ।’
कोशी प्रदेशमा नेकपा एमालेका ४० सांसद छन् ।
