‘मिसन ग्रासरुट’ अभियना : एमाले प्रदेश कमिटीका सदस्यहरु कहाँकहाँ खटिए? (सूचीसहित)

विराटनगर : नेकपा एमालेले पार्टी सुदृढीकरण तथा विस्तारका लागि थालेको ‘मिसन ग्रासरुट’ अभियनाका लागि प्रदेश नम्बर १ का प्रदेश कमिटी सदस्यहरुलाई विभिन्न पालिकामा खटाइएको छ । ग्रासरुट अभियान गत फाल्गुन ५ गतेदेखि सुरु भएको हो ।

एमालेले प्रदेश तहमा अभियानको अभीमुखिकरणको संयोजनको जिम्मा पार्टीका उपाध्यक्ष र अनुगमन संयोजनका लागि पार्टीका सचिवसहित स्थायी कमिटीसम्मका नेताहरूलाई खटाएको छ ।

विशेषगरी पालिका तहमा केन्द्रीत हुने अभियानमा प्रदेश सदस्यहरुलाई आफ्नो पालिकाभन्दा फरक पालिकामा खटाएको छ ।

दुई महिनासम्म चल्ने अभियानको समापन बैशाख १० गते हुने बताइएको छ ।

प्रदेश १ मा अभिमुखीकरणको जिम्मा उपाध्यक्ष अष्टलक्ष्मी शाक्यलाई दिइएको छ । अनुगमन संयोजनमा सचिव टोपबहादुर रायमाझी र सदस्यहरूमा स्थायी कमिटी सदस्यहरू शेरधन राई, अग्नि खरेल, राजेन्द्र गौतम र हिक्मत कार्की रहेका छन् ।