पूर्वेली प्रेस
विराटनगर : साना हातहरु नेपाल नामक संस्थाले विराटनगरको रानी क्षेत्रबाट दुई जनाको उद्धार गरेको छ । संस्थाले सीमा क्षेत्रबाट भापाकी २७ वर्षीया महिला र १४ वर्षीया बालिकालाई उद्धार गरेको हो।
उनीहरु कामको शिलशिलामा गत माघ १२ गते झापाबाट विराटनगर आएका थिए । विराटनगरको एक होटलमा उनीहरुको भारतको सुपौलका ४० वर्षीय बाबु साहव र अररियाका मोहम्वत जागिरसँग भेट भएको थियो।
काम लगाइदिने प्रलोभन पारेर ती महिलालाई साहव र जागिरले होटेलमा राखेर बलात्कार गरेको पीडितले बताएका छन्। साना हातहरु नेपाल विराटनगरका प्रमुख विवश श्रेष्ठका अनुसार माघ १३ गते विहान दुवै जनालाई भारत लैजान खोज्दा सीमा क्षेत्रबाट उद्धार गरिएको हो ।
भारत लैजान खोज्ने साहव र जागिरविरुद्ध मानव वेचविखन तथा ओसारपसार र जवरजस्ती करणीमा मुद्धा दर्ता गरिएको छ।
