पूर्वेली प्रेस
विराटनगर : अवैध रुपमा भन्सार छली गरेर ल्याएको कागती मोरङ प्रहरीले विराटनगरबाट बरामद गरेको छ । सोमबार विराटनगर–११ स्थित नयाँ गुद्रीबाट प्रहरीले अवैध रूपमा ल्याइएको २६ बोरा कागती बरामद गरेको हो ।
विशेष सूचनाका आधारमा कृष्ण शाहको गोदाममा छापा मार्दा ठूलो परिणाममा कागती बरामद गरिएको मोरङका प्रहरी प्रवक्ता डीएसपी दीपक श्रेष्ठले बताए । शाह भने फरार छन् ।
प्रहरीले बरामद गरेको कागती विराटनगर भन्सार कार्यालयमा बुझाएको श्रेष्ठले बताए । उनका अनुसार फरार रहेका शाहको खोजी कार्य भइरहेको छ ।
बरामद भएको उक्त कागती करिब ६५ हजार मुल्य बराबरको रहेको बताइएको छ । घटनाबारे प्रहरीले थप अनुसन्धान गरिरहेको जनाएको छ ।
